ده هيكون اخر موضوع لينا عن السفر للخارج فى موضوع التحاليل وهنوضح فيه اهم النقاط اللى مش واضحه للناس ويا رب تستفيدوا وطبعا احنا اتكلمنا فيه كتير فى موضوعين قبل كده.
والموضوعين هم:
كيفيه السفر والعمل والإقامة بدولة الإمارات العربية المتحدة -علومنجى دوت كوم-
كيفية العمل فى مجال التحاليل الطبية بالمملكة العربية السعودية ؟ -علومنجى دوت كوم-
نصيحة :
لو عاوز تسافر و انت مش بكالوريوسك فيه بيو او
ميكرو ..وخصوصوا كمان لو بكالورويسك فيه نبات او حيوان بلاش تسافر خصوصا السعودية
على مجال التحاليل .
خصوصا لية : لان دليل الهيئة بيقول
صراحة ان الشهادات دى لا تقبل نهائى حتى ولو معاك دبلومه بيو او ميكرو .
قصه حقيقيه للكاتب : انا عاصرت اكتر من 10 حالات
اتبهدلوا بصراحه فى المملكه ..ما بين غضب وتعسف الاداره فى اماكن شغلهم ومابين
بهدلة الغربه وما بين انه مش عارف يعمل حاجه على كف عفريت وبهدله وممرطة ما بعدها
بهدله والله بالشهور .
اللى بيحصل كالتالى : الكفيل بيعرض راتب قليل جدا
من بابا النصاحه وبيسترخص وبيلاقى ناس
تقبل الرواتب الضعيف دى.
هتسأل نفسك ليه بيقبلوا ....!!!!!!!
هقولك (تبعا لمقوله فرصه اجرى يا مجدى) انت وافقت
على اساسا كلام الكفيل انك هتتصنف مفكر نفسك فلت وعديت
يعنى لا وكمان بترضى باقل راتب على اعتبار انك عندك مشكله فى التصنيف وبتخلع وخلاص
فرحان بال4 ولا ال5 الاف ريال (وتقول لنفسك
ياعم دول 5 الالف ريال بحالهم ادحنا هنحوش وهتوبقى القشيه معدن وهنصرف وهنكسر
الدنيا) والاخر تروح هناك وتتصدم بالواقع وتتبهدل تتصدم بالمصاريف والعيشة الغاليه
ده لو انت عازب يعنى ممكن
مصاريفك من 1500 ل2000 ريال ويبقى انت ماسك على نفسك وبلاش ادخل فى تفاصيل وهتتفاجى
سنويا بكرت عمل ب 2500 ريال مصاريف هيئة وبتاع وداتا فلو وتسجيل وتصنيف يعنى الفلوس
الى انت كعازب وفرتهم اول سنة هيروحوا على الحجات دى
ويبقى انت يالى كنت فرحان بقى بال4 وال5 طلعت من
اول سنة كده بلوشى ونخش على تانى سنة هتلاقى
كرت عمل تانى وتلاقى اصلن الفلوس الى انت دافعها اول مره وانت مسافر لسه مجبتهاش
فتخدلك سنة على ما تجيبها.
نيجى بقى للمحصله بعد سنتين كام .... ممكن تلاقيها
بالسالب وممكن تلاقيها صفر وكده يبقى ربنا بيحبك
اما لو سيادتك متزوج بقى يبقى يا حبيبى
يا جميل هتفضل بال5 دول يادوب تعيش بيهم هناك
(وبلاش ادخل فى تفاصيل).
فمش عشان انت عاوز تخلع من البلد ترضى باى حاجه ..
ومش عشان انت عندك مشكله فى التصنيف او مؤهلاتك تصنفك فنى بالعافيه تقوم ترضى
وتطلع باى حاجه وخلاص بمبدأ الحق قبل ما حد يخدها.
قصه حقيقيه للكاتب : انا عاصرت وعشت 4 مشكلات
لاربعه من الزملاء مش عاوز اوصفلكم كم المعاناه والاهانه والضغط الى كانوا فيه.
الكم حاله الى فاتوا عليا ممكن يعدوا ال10 منهم بس
3 الى الهيئة قبلت التماسهم وصنفتهم فنى بالدبلومه (ملحوظه عندهم
خبره اكثر من 6 سنوات ) والباقى.
من فتره بنتين زمايلنا نفس القصه
والضغط وهينزلوهم مصر يعنى بنات وبتبهدل وهما هما البنات الى بيوافقوا ينقلوا
كفاله على رواتب زفت الزفت من باب انها مرافق مع زوجها ومش خسرانه حاجه واى راتب
تجيبه وخلاص متعرفش انها بتضيع حقوق زمايلها لكنها بتحسبها على اد نفسها وخلاص المهم
هى تجيب راتب والباقى يولع.
يبقى الخلاصه
اكون بكالوريوس بيو او ميكرو فردى او مزدوج واخد
معاها دراسات عليا فى نفس التخصص زى البكالورويس بيو او ميكرو دبلومة او ماستر ولو
انا كيميا خاص وعاوز اسافر يبقى الافضل اعمل معادله بيو فى طنطا وبعدها اخد
دبلومه بيو اما المؤهلات غير كده فحرام يسافر لان الرواتب ضعيفه ((خصوصا
لو متزوج )) ممكن لو عمل معمل فى مصر يبقى اكرمله.
خلصنا موضوع المؤهلات المطلوبه والرواتب الضعيفه
علشان اريح نفسى والخص أعمل ايه:
لازم تكون اشتغلت فتره فى مصر ومعاك خبره حلوة وشدوا تحتها
خط لازم يكون معاك انجليزى حلو ودى مش صعبه اثناء الكليه
او بعد التخرج (اسوأ ناس معاها لغه فى الغربه هما المصريين بلا فخر)
خلصت شهاداتى تمام .. معايا انجليزى حلو تمام ..
معايا خبره حلوة فى الشغل أجهز ورقى واقدم على موقع ممارس.
-------------- الفقره دى عن كيفيه التسجيل على
موقع ممارسه --------------
بداية انصح اي دكتور انه يعمل بنفسه الاكاونت بتاع
ممارس والداتا فلو وحجز البرومترك
الموضوع ابسط ما يكون زي الفيس كدا اهم شئ يكون
معاك كارت فيزا للدفع ع النت وممكن تكون لحد معرفة وتحافظ ع خصوصياتك وخصوصا انك
هتحتاج اكاونت ممارس بعد كدا فى أي إجراء وتوفر المبلغ اللي هتدفعه للشركات.
وان شاء الله من خلال الفقره دى هنحاول نساعد بعض
ف النقاط الآتية
1- كيفية التسجيل بموقع هيئة التخصصات السعودية
(ممارس)
"كيفية الحصول على رقم احقية لدخول امتحان
التصنيف "
" كيفية الحصول على رقم احقية لتوثيق
الشهادات بـ داتا فلو "
ممارس : هو وصلة بينك وبين هيئة
التخصصات السعودية لمن هم خارج المملكة يتم من خلاله اصدار رقمين ( رقم أحقية
الامتحان لحجز البرومترك ورقم أحقية التوثيق للداتا فلو)
رقم أحقية (رقم الجلوس ) الامتحان بيكون صالح
لمدة 6 أشهر من تاريخ اصداره صالح لحجز الامتحان من على موقع البرومترك وان لم يتم
التقدم تحتسب مرة من مرات دخولك.
رقم احقية التوثيق يتيح لك
توثيق شهاداتك من على موقع الداتا فلو وبيكون لاخر شهادة علمية حصلت عليها
بالاضافة لشهادة خبرة.
النظام الجديد الآن اي واحد هيسافر لازم يخلصهم في
بلده الامتحان والداتا فلو.
-------------------------------------------------------------------
لاحظ : روابط الصفحات اللى جايه دى تحولك لصفحه كوسيط و أعلى هذه الصفحه على اليمين انتظر خمس ثوانى ثم اضغط تخطي الاعلان او ( skip ) كما بالصوره لتفتح معك الصفحه المطلوبه .
-------------------------------------------------------------------
طريقة اصدار رقم أحقية من ممارس http://adf.ly/1dsRgZ
طريقة توثيق الشهادات من خلال موقع داتا فلو : http://adf.ly/1dsRm9
موقع ممارس : http://adf.ly/1dsRrx
موقع الداتا فلو : http://adf.ly/1dsRup
موقع البرومترك : http://adf.ly/1dsRxB
خدمة تحديث البيانات لمن سبق لهم التصنيف
والتسجيل المهني في الهيئة السعودية للتخصصات الصحية
خدمة تجديد بطاقة التسجيل المهني
التسجيل فى نظام ممارس
نظام ممارس للخدمات الالكترونية - خدمة اصدار
رقم احقية من خارج المملكة
How to apply for dataflow online طريقة عمل داتافلو
رصيد ساعات الممارس الصحي
موقع جمعية القلب السعودي والتسجيل
----------------------- انتهى شرح موقع ممارسه ------------------------
هنكمل كلمنا اللى بدئناه قبل شرح موقع ممارسه هاخد
تصنيف ويتحددلى امتحان هامتحن واعمل توثيق وكده خلصنا ابدأ أعمل سى فى محترم فيها
كل معلوماتى دى وارفق بيها البرومترك والداتا فلو وابدا ادور على فرصه حلوة ساعتها
انا واقف فوق الممتاز معنديش اى غلطه ورقى تمام يعتبر مخلص ومعنديش مشكله فى اى
مقابله انت هيكون ليك وضعك لانك تختلف عن اى حد تانى.
وله عاوز تقارن نفسك بواحد لا امتحن ولا عمل داتا
فلو ولا قدم على ممارس ولا عرف موقفه اصلن...انهو فيهم الكفيل ممكن يختارة ؟؟؟
وله عاوز تساوى نفسك بواحد خلص كليه ومعندوش خبره
وعاوز يسافر .......انهو موقفه افضل ؟؟؟
وله عاوز تساوى نفسك بواحد مهزوز فى معلوماته وفى
الانجليزى بتاعه ...انهو افضل ؟؟؟
ازاى هدور على شغل
البوست ده فيه شوية شركات هتساعدك
والفيس مليان شركات واعلانات وعندك موقع تنقيب
واستخدم جوجل واهرام الجمعه
ملحوظه وانت رايح اى مقابله:
خدوا الورقتين الورقه بتاه التصنيف دى فى اى
مقابله معاك علشان لو الافنديه قالولك علوم فنى بس تخزق بيها عينه وخد الورق
التانيه بتاع لايحه المؤسسات الصحيه الى بتقول انه اخصائى غير طبيب يرخص للمكان فى
المجعات والمستوصفات وممكن تاخد صوره تصنيف اى حد مصنف بالدبلومه علشان تسد بيها
عين التخين فى اى شركة.
ملحوظه هامه فى المقابلات :
س/ كتير من موظفى شركات السفريات وبعض مندوبى
الكفلا او الكفلا نفسهم ممكن يقولك اصل بتاع علوم ملوش تصنيف الا فنى.
طيب ردك
هيكون ايه
ج/ (تكون مجهز معاك صورة من صفحة دليل الهيئة الى
فيها التصنيف بتاعنا وتدبها فى عنيه
وكمان صوره من تصنيف احد الزملا ( ورقه التصنيف مش
الكارنيه) لانه بيكون واضح فيها المؤهلات
وصوره من قانون المنشات الصحية الجديد الى بيقول
انه لترخيص المعمل فى المنشات الصغيره او المجعات يلزم على الاقل اخصائى غير طبيب .
محلوظه تانيه فى الرواتب:
س/ ممكن يقولك ده زمايلك او الى زيك او الى اكتر
خبره منك موافقين براتب قليل.
ردك يكون
ايه
ج/ هما موافقين طيب خد منهم لكن انا مش هتنازل عن
راتب كذا وكمان هتقوله موافقين علشان مش واثقين فى نفسهم وعلشان شغلهم مش حلو
فبيرضى باى حاجه وخلاص.
ج/ كمان ممكن يقولك اصل السودانيين (مع كامل
احترامنا ليهم ولكفائتهم فى الشغل ده ابدا مش تقليل ليهم ) لان الكلمة دى بتتردد
كتير على لسان الكفيل بيقبلوا بنص الراتب ده.
ردك هيكون
...
ج/ روح خوود منهم انا مش هتنازل عن كذا (لانه لو
كان عجبه حد من دول كان اخد مكنش جالك واختارك انت فمترخصش نفسك وكن واثق فى نفسك
وقوى خبرتك وكفائتك ومهارتك فى الشغل واللغه وبلاش استعجال وهتلاقى باذن الله)
ملحوظه اخيره:
س/ انا كاخصائى علوم .. علشان ملفش كتير وييجى
احباط فى موضوع الشغل.
ج/ سيادتك غلطان .... ممنوع منعا باتا تلف او تروح
مقابله لاى مستشفى او معمل من المعامل الكبيرة زى البرج .
ليه ياعم
ياسيدى ده بيجيب طبيب بشرى بيرخص بيه وعلى كده مش
فارقه بقية الستاف فى المعمل اخصائى زى فنى ... وعلى كده هتكون الرواتب سيئة وشغل
طحن ومش محتاج اخصائى علوم فى حاجه خالص مالص بالعكس هتسمع كلام يسم بدنك وهتتخنق
.
