بنود عقد العمل
1- العقد بيكون متوضح فيه اسمك وبياناتك ومهنتك الى انت طالع عليها وراتبك وكمان كل بيانات الطرف التانى
وخد بالك انه بيتوثق غرفه تجاريه سعوديه وبعدين خارجيه يعنى العقد بيكون صحيح مليون الميه قبل ما يجيلك
2- النسبة بعد الراتب الاساسى
حتة النسبة بصراحه لو وافقت عليها يبقى بتضحك على نفسك اول ما تشوف نسبة علطول تعرف انه الريت مش عالى والمكان مش شغال حلو يعنى مش هتصفى على شىء...يبقى خليك فى المضمون واطلب اجر قطعى ثابت معروف ومحدد .
3-عدد ساعات العمل
قانون العمل بيقول 48 ساعه اسبوعيا يعنى 8 ساعات يوميا يعنى محدش يضحك عليك ويقولك 9 او 8 ونص ...قانون العمل واضح وصريح فى كده ((فى انتظار التعديلات الجديده ان شاء الله الى بتقول 40 )).4- الاجازات
لو رجعنا لقانون العمل هنلاقى الجمع والاعياد واجازه الحج منصوص عليها نصا واضح عشان محدش يضحك عليك ارجع لقانون العمل هتلاقى الاجازات دى من حقك ومدفوعه الاجر كمان5-الاجازه السنويه
من حقك طبقا لقانون العمل اجازه سنويه 21 يوم مدفوع الاجر (منصوص عليها ) فى بعض الاماكن والعرف الى ماشى بيدى شهر كامل مدفوع الاجر.
6- مكافأه سنويه
من حقك طبقا لقانون العمل مكافأه سنويه قدرها 15 يوم عن كل سنة.
7-السكن والتامين الطبي
طبقا قلنون العمل وده موجود فيه نصا ....من حقك يتوفرلك سكن حسب حالتك عائلى او اعزب مؤثث مفروش يعنى على المكان او يدفعلك بدل.
8- قبض الرواتب
قانون العمل بيقول انه مساء اخر يوم فى الشهر لازم العامل يقبض راتبه كامل.
9- لو خلصوا اول 3 شهور والكفيل مطلعكش اقامه من حقك تنقل كفاله غصبن عنه.
10- التذاكر
طبعا على الكفيل رايح جاى وكمان للمعيل تذاكر عائليه بس جرى العرف بتحديدها للزوج والزوجه واتنين بس من الابناء.
نمازج استشاريه لعقد العمل
رابط التحميل
خطوات أتصال المقابلة
لما يتصل بيا مكتب توظيف (مكتب للعمل) ايه الخطوات اللى انا بعملها:
- أولا : هتسأل اللى بيكلمك عن اسم المستشفى او المستوصف او المجموعة .
- ثانيا : تسأل عن الراتب فى حدود كام عشان ما تروحش المشوار على الفاضى خصوصا لو كان مشوارك بعيد.
- ثالثا : تسأل عن ميعاد المقابلة وعنوان المكتب لو العرض عجبك .
- رابعا : تروح المقابلة وخليك واثق من نفسك وخليك عارف ان اللى هيعمل معاك مقابلة مش هامه الخلفية العلمية الخلفية العلمية دى ليك انت كأخصائى كل اللى يهمه اسلوب تعاملك لانه عارف انك اللى هتتعامل مع الناس فى المستوصف ثانيا هياخد اقل المتقدمين راتب يعنى اللى هيرضى بأقل راتب هياخده الا لو اقتنع بيك وبأسلوبك حتى لو كان راتبك أعلى ويريت تفااااصل مع الناس دى فى الراتب يعنى لو قالك 4الاف ريال قوله لأ انا عاوز 8 الاف ريال وهكذا (المصاريف هانك غاليه جدا صدقنى يعنى حوالى 2.5 الف فى الشهر هتبقى مصاريفك وطبعا فى فلوس بتندفع كل سنه علشان التجديد حوالى 2.5 الف كمان).
- خامسا : تيجى تسأل عن اسم المستوصف او المستشفى على الجروبات لعل وعسى ان حد يكون عارفه او عارف حد شغال فيه او قريب منه يقدر يجبلنا معلومات عنه وعن التعامل فيه وان شاء الله هتلاقى اكتر من زميل يرد عليك بخصوص سمعة المكان والكفيل طبعا.
- سادسا : تروح تخلص ورقك وتتفق مع المكتب فى حدود من 4-5 الاف جنيه فقط لا غير.
- سابعا : تركب الطيارة وما اشوفش وشك فى مصر تانى الا وانت جايبلى توك توك معاك.
